Kriterier for å søkje
Alle søknadar vert vurdert opp mot barnehagelova, og kommunen vil foreta ei heilskapsvurdering av barnet sitt behov for tilrettelegging utover det ordinære barnehagetilbodet. Eksempel på tiltak som det kan søkjast tilskot for er:
- Støtte til ekstra bemanning
- Støtte til bygningsmessige endringar/fysisk tilrettelegging eller nødvendig utstyr
I søknaden må det føreligge skriftleg dokumentasjon på hjelpebehovet til barnet (t.d. frå lege, helsestasjon, barnehabiliteringa eller BUP). Barnehagemyndigheita har høve til å etterspørje ytterlegare informasjon/dokumentasjon dersom det er behov for det (t.d. frå PPT og barnehagen). Avgjerda er eit enkeltvedtak etter forvaltningslova, og foreldre/føresette har såleis klagerett på vedtaket. Fylkesmannen er klageinstans. Barnehagen vert sett på som part i saka, og vil motta kopi av enkeltvedtaket når søknaden er behandla. Kommunen skal varslast dersom barnet byter barnehage.
Rapportering
Sykkylven kommune kan krevje at barnehagen sender inn skriftleg rapport på bruken av midlane.